Jer 4 | Ndebele | STEP | Uba uphenduka, Israyeli, itsho iN kosi , phendukela kimi; njalo uba ususa phambi kwami izinengiso zakho, kawuyikuphambuka.

1 Uba uphenduka, Israyeli, itsho iNkosi, phendukela kimi; ^a njalo uba ususa phambi kwami izinengiso zakho, kawuyikuphambuka. ^b 2 Futhi uzafunga: ^c Kuphila kukaJehova, ^d ngeqiniso, ^e ngokwahlulela, langokulunga; ^f lezizwe zizazibusisa kuyo, ^g lakuyo zizincome. ^h

3 Ngoba itsho njalo iNkosi kumadoda akoJuda leJerusalema: Qhathani ⁱ ingqatho yenu, ^j lingahlanyeli phakathi kwameva. ^k 4 Zisokeleni eNkosini, ^l lisuse amajwabu aphambili enhliziyo yenu, madoda akoJuda labahlali beJerusalema; hlezi ulaka lwami luphume njengomlilo, ^m lutshise, kungabi khona ongalucitsha, ngenxa yobubi bezenzo zenu. ^{n
,} ^o

Ilizwe lakoJuda lizahlaselwa

5 Bikani koJuda, lizwakalise eJerusalema, lithi: Vuthelani uphondo elizweni; ^p klabalalani ngokugcweleyo lithi: Buthanani, ^q singene emizini ebiyelweyo. ^r 6 Misani uphawu ngaseZiyoni, ^s balekani, lingemi; ngoba ngizaletha ububi buvela enyakatho, ^t lokwephuka okukhulu. 7 Isilwane sesenyukile siphuma ehlathini laso, ^u lomchithi wezizwe usukile, uphumile endaweni yakhe ukuze ulenze ilizwe lakho incithakalo; ^v imizi yakho izakuba ngamanxiwa, ingabi lomhlali. ^w 8 Ngenxa yalokhu bhincani amasaka, ^x lilani liqhinqe isililo; ngoba ulaka lweNkosi oluvuthayo kaluphendukanga lusuka kithi. ^{y
,} ^z 9 Njalo kuzakuthi ngalolosuku, itsho iNkosi, inhliziyo yenkosi izaphela, lenhliziyo yeziphathamandla; labapristi bazamangala kakhulu, labaprofethi bazathithibala. ^aa 10 Ngasengisithi: Hawu, Nkosi Jehova! Isibili ubakhohlisile lokubakhohlisa lababantu leJerusalema ^ab usithi: Lizakuba lokuthula; kanti inkemba ifinyelela emphefumulweni. 11 Ngalesosikhathi kuzakuthiwa kulabobantu lakuyo iJerusalema: Umoya otshisayo ^ac wamadundulu ^ad enkangala, ^ae indlela yendodakazi yabantu bami, ungeyisiwo wokwela njalo ungeyisiwo wokuhlambulula. 12 Umoya ogcweleyo ovela kuwo uzakuza kimi. Khathesi lami ngizakhuluma izahlulelo zimelene labo. 13 Khangela, uzakwenyuka njengamayezi, lenqola zakhe njengesivunguzane; ^af amabhiza akhe alesiqubu kulezinkozi. ^ag Maye kithi, ngoba sichithiwe! ^ah 14 Jerusalema, hlambulula inhliziyo yakho kuphume inkohlakalo, ^ai ukuze usindiswe. Koze kube nini imicabango yakho emibi ihlala phakathi kwakho? 15 Ngoba ilizwi liyamemeza ^aj lisuka koDani, ^ak lizwakalisa uhlupho oluvela entabeni yakoEfrayimi. ^al 16 Khumbuzani izizwe, khangelani, lizwakalise limelene leJerusalema; kufika abalindi bevela elizweni elikhatshana, ^am baphakamisa ilizwi labo bemelene lemizi yakoJuda. 17 Njengabalindi bensimu bamelene layo inhlangothi zonke, ^an ngoba ingivukele, itsho iNkosi. 18 Indlela yakho lezenzo zakho kukwenzele lezizinto; ^ao lokhu kuyinkohlakalo yakho, ngoba kubuhlungu, ^ap ngoba kufinyelela enhliziyweni yakho.

19 Imibilini yami, imibilini yami! ^aq Ngilobuhlungu emidulini yenhliziyo yami. Inhliziyo yami yenza umsindo phakathi kwami; ^ar ngingeke ngithule; ngoba wena mphefumulo wami, uzwile ukukhala kophondo, ^as umkhosi wempi. ^at 20 Kuyamenyezelwa incithakalo phezu kwencithakalo, ^au ngoba ilizwe lonke lichithekile. Amathente ami ahle achithwa, ^av amakhetheni ami ngokucwayiza kwelihlo. ^aw 21 Koze kube nini ngibona isiboniso, ngizwe ukukhala kophondo? ^ax 22 Ngoba abantu bami bayizithutha, mina kabangazi; ^ay bangabantwana abayiziphukuphuku, kabalakuqedisisa; bahlakaniphele ukwenza okubi, ^az kodwa ukwenza okuhle kabakwazi. 23 Ngabona umhlaba, ^ba khangela-ke, wawungelasimo, ungelalutho; ^bb lemazulwini, kodwa kakukho ukukhanya kwawo. ^bc 24 Ngabona izintaba, ^bd khangela-ke, zazinyikinyeka, lamaqaqa wonke ayenyakazela. 25 Ngabona, khangela-ke, kwakungelamuntu, ^be lenyoni zonke zamazulu ^bf zibalekile. ^bg 26 Ngabona, khangela-ke, ilizwe elivundileyo laliyinkangala, ^bh lemizi yalo yonke yayidiliziwe phambi kweNkosi, phambi kokuvutha kolaka lwayo. ^bi 27 Ngoba itsho njalo iNkosi: Ilizwe lonke lizakuba lunxiwa, kodwa kangiyikuqeda ngokupheleleyo. ^bj 28 Ngenxa yalokhu umhlaba uzalila, ^bk lamazulu aphezulu abe mnyama; ^{bl
,} ^bm ngenxa yokuthi ngikhulumile, ngikuhlosile, njalo kangiyikuzisola, ^bn njalo kangiyikubuyela emuva ngisuka kukho. 29 Umuzi wonke uzabaleka ngenxa yomsindo wabagadi bamabhiza labatshoki ngamadandili; ^bo bazangena ezixukwini, bakhwele emadwaleni; ^bp wonke umuzi uzatshiywa, njalo kungabi lamuntu ohlala kuwo. ^bq 30 Wena-ke ozachitheka, ^br uzakwenzani? Loba ugqoka okubomvu, loba uzicecisa ngezigqizo zegolide, ^bs loba ucomba amehlo akho ngomphendulo, ^bt uzenza ube muhle ngeze, izithandwa zakho ^bu zizakudelela, ^bv zidinga impilo yakho. 31 Ngoba ngizwile ilizwi kungathi ngelowesifazana ohelelwayo, ^bw ubuhlungu obunjengobeletha umntwana olizibulo, ilizwi lendodakazi yeZiyoni, ikhefuzela, iselula izandla zayo ^bx isithi: Maye-ke mina! Ngoba umphefumulo wami uphele amandla ngenxa yababulali. ^by